  |
    |
因為尼個H1N1，我公司實施尼個輪班工作，亦因為我有凱晴關係，我係優先唔需要返公司做野果個.....嘩哈哈
上星期五，我就無返公司啦，係屋企做野，不過我都會一個星期返去兩日既！依家多左時間係屋企，我就多左好多時間陪BB啦，尼樣先係我最最最開心既事！
BB既下面兩隻門牙出晒黎，依家就出緊上面果兩隻，幸好扭少左計同埋開始無咁痴人啦！因為早前買左部學行車比佢玩，佢都唔知玩得幾開心，成日掃晒D野落地下，我就成日執執執，比佢激死！
另外訂左好耐既high chair，12號終於送左黎，幸好唔洗自己砌的，一開箱就是成架餐椅了，立即用得！
尼兩日BB識得講 mum mum 呀，我就成日教佢講媽媽媽媽媽媽媽，唔知佢幾時識講呢？？佢快d識就好了！！
今日下午帶左凱晴返健康院檢查，原來六個月係唔洗度身長既，不過我地自己幫BB度......XD
BB依家有18磅幾，大約69cm高
磅完重之後就等見姑娘，係等待其間見到D初生BB，就諗返起凱晴初出世果時，原來依家，佢真係大個左好多好多！
到見姑娘，姑娘拎玩具比凱晴，睇下佢識唔識羅黎玩，凱晴一見到就雙手拎啦，姑娘話佢識雙手拎都算叻，之後就係張床到企，姑娘話佢好硬淨，係咁二托住就企得穩，之後到坐啦，坐尼環我幾驚過唔到關嫁，因為BB唔鐘意坐，係鐘意企，不過都坐到，姑娘仲話佢坐得幾好幾穩添，真係神奇，因為我係去健康院前兩個禮拜先至話教佢坐......XDD
見完姑娘之後，見埋醫生測試眼睛咁就走得啦
之後我地去左新城市廣場行街，買左對波鞋仔比凱晴，佢又有新鞋仔著啦！
今日永安大特價，我lunch time時就走去8黎，結果就掃左對鞋，combi step 3學習杯蓋同埋d棉花，順便看下aprica 610 high chair，尼張high chair 由$3300 折到 $1998，真係勁抵，lunch time 看完都心思思想買，最後放工決定走去買鬼左佢，我上到去睇時，得我一個睇，但越睇越多人，跟住我就唔諗決定買，個哥哥仔話我知話d貨比人訂晒，最快要到7月中先再有貨返，跟住佢再幫我check，話原來有最後一部現貨，我就拿拿臨話要去比錢啦，真係好好彩！如果要等到7月中，我真係唔等啦，買第2張好過啦！
嘻嘻.....豬豬有新椅坐啦，希望佢肯自己坐自己玩啦
因為尋日見亞B伏轉黎訓覺，今日就同浩B一齊去一田睇下有無野可以夾住佢唔比佢轉身。
出到去，我地就先去buger king醫肚，然後就去一田shopping。去到一田，見到好多BB玩具，我地就拎比亞B睇，佢一見到即係笑，笑到卡卡聲，之後我地拎開左，諗緊買邊樣比佢玩啦，佢即刻發爛炸喊，比返個玩具佢，佢即刻收聲仲笑，比佢激死！跟住睇埋個吹氣梳化，其實上次浩B己經想買，今次終於忍唔住買埋比佢，係一田買完野，就落斗斗城睇野，去到斗斗城又忍唔住買左個玩具比佢，加埋個夾夾野就閃啦。
尼張吹氣梳化真係要推介下，我覺得幾正呀！
http://baby.richell.co.jp/view.html?la=en&gid=46800
仲買左尼個野夾住佢，等佢轉唔到身
基本上每天好多時我都抱到亞B訓左，我就放返佢去床到訓，一向都無事發生。但係今日下午六點幾，我如常抱到佢訓著左就放返佢去床到，然後我就去玩電腦，過左陣，我入返房睇下佢有無野，我就見到佢伏左係到唔郁，當時真係嚇到我死，我以為佢自己轉身伏左係到，唔識反返轉，焗親抖唔到氣，我即刻冲入去抱佢時，佢就郁啦，我見佢識郁，我就唔抱佢啦，個心都定一定，然後我就叫浩B入房睇下佢訓成點，仲影想留埋罪證比佢大個睇返！
佢好好野嫁，我打算將佢個頭擰側D，等佢唔好焗親，佢自己抬高個頭，然後搵個靚位唔會焗住抖唔到氣訓返落去嫁，所以話會焗親佢都幾難！
